စိတ်ညစ်စရာတွေများလာတော့ တဖြည်းဖြည်း နဲ့ ရီ ချင်လာတယ်။ ဒါနဲ့ ဗိုလ်လိပ်ပု ရဲ့ နှစ် ၉၀ အတွင်း သတင်းစာထဲက ဟာသများ ကို တင်ပေးချင်စိတ်ဝင်လာတယ်။ ကိုယ့်လိုပဲ အကြောင်းအမျိုးမျိုးကြောင့် ညစ်နေတဲ့သူတွေအတွက်ရယ်၊ အဲ့ဒီခောတ်က သတင်းစာလွတ်လပ်ခွင့်တွေ ၊သတင်း၊အတင်းတွေကို သိစေချင်လို့လေ။ ရယ်သောသူသည် အာပြဲ၏တဲ့ များများရီလေ ရှုရှုးထွက်လေပဲ....
လူမထွက်ဘူး
ဒကာမတစ်ယောက်သည် ဘုန်းကြီးစိတ်တို ကျောင်းသို့ လာရာ ဘုန်းကြီးစိတ်တိုက "ဟဲ့ ဒကာမ၊ ဘာဖြစ်လို့လာသတုံး"ဒကာမ။ အရှင်ဘုရား လူထွက်မယ်ကြားလို့ပါဘုရား။
ဘုန်းကြီးစိတ်တို။ ဟာ ဘုန်းကြီးက လူထွက်တာ ဘယ်ကမ္ဘာကမှ မရှိဘူးဟ။ တစ်နေ့က လာအပ်တဲ့ ကလေးနှစ်ယောက် ဟာ ဘယ်သူကမွေးတာတုန်း။
ဒကာမ။ တပည့်တော်မက မွေးတာပါဘုရား။
ဘုန်းကြီးစိတ်တို။ အိမ်း တစ်သက်လုံး မှတ်ထား၊ ဒကာမကသာ လူထွက်သဟ။
တုတ်တိုဒေ၀ီများ
မကွေးတိုင်း ရှားပင်လှ ကျေးရွာတွင် အသက် ၁၄နှစ်အရွယ်ခန့်ရှိ မပျားနှင့် မကျော့ရှင်း တို့သည် ရေခပ်သွားကြရာတွင် ရန်ဖြစ်ကြ၍ တစ်ယောက် တုတ်တစ်ချောင်းစီနှင့် ရိုက်ကြရာ ၂ ဦးစလုံး မကွေးဆေးရုံသို့ တက်ရကြောင်း။၎င်းတို့ ၂ ယောက် သည် ဆေးရုံ၌ ဒုတ်တိုဒေ၀ီများဟု နာမည်ရလျက်ရှိလေသည်။
မိန်းမတွေ ချစ်တဲ့ ဌာနအုပ်ကြီး
အင်းစိန်၊သင်္ဃန်းကျွန်းဌာနပိုင် ဦးမောင်ကလေးသည် ၀ရမ်းပြေးဘိုးခ နှင့် အုံးရွှေကို ဖမ်းရန် ဘောက်ထော်ရွာသို့ သွား၍ အိမ်တစ်အိမ်သို့ တက်ရောက် ရှာဖွေရာ မိန်းမသုံးယောက်က ၀ိုင်း၍ ကုတ်ဖဲ့လိုက်သည့်အတွက် ရန်ကုန်ဆေးရုံကြီးတွင် ဆေး များထည့်ရကြောင်း။ဘောက်ထော်ရွာထဲ၌ ဌာနပိုင်ကို မိန်းမသုံးယောက် ၀ိုင်ပြီးချစ်ကြသည်ဟု ပြောဆိုလျက်ရှိကြောင်း။
ဆီရှာပုံကဆန်း
အင်းစိန်သာယာကုန်းနေ မညိုဆိုသူ မိန်းမ အိပ်ရာမှနိုး၍ ခြေကိုအဆန့်တွင် အေးစက်စက်ကြီးကို ထိမိသဖြင့် မီးခြစ်ကြည့် ရာ ခြေရင်း၌ တစ်ရွာတည်းနေ ဧချိုဆိုသူ ထိုင်နေသည်ကို တွေ့ရသဖြင့် ဘာလာလုပ်တာလဲ ဟု လန့်၍ မေးသောအခါ ဟင်း ချက်ဖို့ ဆီလာရှာသည်ဟု ဖြေကြောင်း ကြားသိရလေသည်။မညိုသည် ဆီပုလင်းကို မီးဖိုထဲ၌ မထားဘဲ ပေါင်ကြား၌ ညှပ်၍ အိပ်လေသရော့သလားဟု စဉ်းစားဖွယ်ဖြစ်ပေသည်။ (၄-၇-၃၆ ဒီဒုတ်)
ဘုရားကြီးကိုလိမ်သလော
ရန်ကုန်မြို့ ရွှေတိဂုံခြေတော်ရင်း ပုလိပ်ပိဋကတ်တိုက်ကြီးကို ပုလိပ်အဖွဲ့က ကြွေးမကျေခင် ဘုရားကြီးသို့ ရေစက်ချ၍ လှူဒါန်းရာ ကြွေးရှင်က ၀ါးရမ်းကပ်သဖြင့် ဘုရားလူကြီးများက ၀ါးရမ်းခွာလိုကြောင်းဖြင့် လျှောက်ကြောင်း။ ယခု ဘုရား လူကြီးများက စရိတ်နှင့်တကွ ရှုံးရာ ကန်ထရိုက်က ကျပ၎င်းဇရပ်ကို ရောင်းရန် ကြေညာတော့ မည်ဖြစ်ကြောင်း။ ဘုရား လူကြီးများက မူလလှူသော ပုလိပ်အဖွဲ့အား ဘုရားကြီးကို လိမ်လည်မှုဖြင့် ဂါတ်တုိုင်ရန် ကျွန်ုပ်တို့က အကြံပေးလိုက်ရ ကြောင်း။(ထပ်တင်ပေးအုန်းမယ် ခုတော့ အိပ်တော့မယ်..မကြာမီ လာမည်မျှော်)
No comments:
Post a Comment