ခံလိုက်ကြရအောင်

ကားအာမခံကြေးပေးဖို့ရုံးကိုရောက်တော့ မနက် ၉း၃၀ ခွဲ ။ ကားပေါ်ကဆင်းဆင်းချင်း ပွဲစားတွေက လုပ်ပေးရမလား ၊ မုန့်ဖိုး ၅၀၀ ဘဲပေးပါ။ ဒါနဲ့ ကိုဂျက်လည်း တချက်ပြူးကြည့် လိုက်တော့ နဲနဲရှိန်ကုန်တာပေါ့။ သူတို့အချင်းချင်း လက်တို့ပြီး အရာရှိလားမသိဘူးဆိုပြီး ၊ ပျောက်ကုန်ကြတော့တာဘဲ ။ သူတို့ပြောမှ ကိုယ့်ကိုကိုယ် ပြန်ကြည့်မိတယ် ။ အင်ကျီအဖြူ နဲ့ ပုဆိုးအပြာ ၊ လက်ထဲမှာလည်း လက်ဆွဲအိတ်နဲ့ ။ ရုပ်ကလည်း တလောကလုံး တင်ကျွေးထား တဲ့ ရုပ်ဆိုတော့ သူတို့ထင်လည်း မမှားဘူးပေါ့။
ရုံးက ၁၀နာရီမှ ဖွင့်မှာဆိုတော့ တန်းစီရ ၊ ၀င်လို့ရတော့လည်း ၀င်ချိန် ၊ ထွက်ချိန်တွေကို တခါတည်း လက်မှတ်ထိုး ၊ ပြီးမှဘဲ အပေါ်တက်လို့ရတယ်။ အာမခံကြေးသွင်းတဲ့ စာအုပ်ကိုထပ်ပြီးတော့ သူတို့က စလစ်စာရွက်နဲ့ စာအုပ်တအုပ်ကို ပေးတယ် ။ ကိုဂျက်တို့က ၁၀၀၀ ကျပ်ကို သူတို့ကို ပြန်ပေးရတယ်။ အဲ့ဒါပြီးမှဘဲ ကိုဂျက်လည်း ထိုင်ဖို့နေရာရှာ ၊ ရလာတဲ့စာအုပ်ကို အေးအေးဆေးဆေး ဖတ်နေမိတယ်။
ကိုဂျက်က အာမခံကြေး အကြောင်း သိပ်မသိတော့ ဘာတွေအာမခံလို့ရလဲဆိုတာ ဖတ်ကြည့်နေမိတယ် ။ မီးအာမခံ ၊ ရေ / လေ အာမခံ ၊ နောက်တော့ အသက်အာမခံ ၊ သူတပါးထိခိုက်မှုအာမခံ ။ တော်တော်လေးပြည့်ပြည့်စုံစုံ အာမခံပေးထားတယ် ။ ကိုဂျက် ကားတိုက် ကတည်းက အာမခံကို စိတ်ဝင်စားနေတာ ၊ ဘာလို့ဆို အာမခံကြေးမထုတ်ပါဘူးဆိုပြီး လက်မှတ်ထိုး လိုက်ရလို့လေ။
ရန်သူမျိုး ၅ ပါးထဲမှာ ရေ၊ လေ၊ မီးတော့ အာမခံလို့တယ်ဆိုတော့ နောက်၂မျိုးကရော အာမခံလို့မရဘူးလားလို့စဉ်းစားမိတယ်။ မစဉ်းစားဘဲ ဘယ်နေနိုင်မလဲ ။ သူတို့ကပြောထား တယ် ဟိုတခါလေဘေးထိတော့ သူတို့က ဘယ်လောက် ပေးရတယ် ။ဘာညာပေါ့ ။ သိန်းသန်းချီပြီးပြောတော့အားကျတာပေါ့ ။ နောက်ပြီး ကိုဂျက်က ကားကိုလည်း ရေ /လေ အာမခံထားချင်တယ်လေ ။ ကိုယ်ရဲ့ကားလေး မြိူ့လယ်ကောင်ရေနစ်ရင် ပြင်ဆင်စရိတ်ကကြီးတယ်မဟုတ်လား ။ ဒါ့ကြောင့်ထားချင်တာ။ ရန်သူမျိုး ၅ ပါးထဲက နောက် ၁ မျိုးကို စိတ်ဝင်စားတယ် ။ ဒါကတော့ အခုမရှိတော့ပါဘူး ။ ဘာလဲဆိုတော့ တိုင်းပြည်အုပ်ချုပ် တဲ့ မင်းတွေကိုပေါ့ ။ သူတို့ ဖျက်ဆီးရင် ကုန်းကောက်စရာမရှိအောင် ပြောင်တယ်ဆိုတော့ သူတို့အာမခံလေးထားရရင်ကောင်းမလားလို့ ။ တော်သေးတယ် ဒီခောတ်ကြီးထဲမှာ မင်းတွေမရှိတော့လို့ ။ နို့မဟုတ်ရင် ကိုဂျက်က ဒီအာမခံချက်ကို သူများတွေထက် ဦးအောင်ကို ထားပစ်လိုက်မှာ ။ နောက်တမျိုးတော့ ကိုဂျက် လည်းမေ့နေပြီ ၊
ကိုဂျက်တို့ကရှင်းတယ် ခံစရာရှိ အကုန်ခံမှာဘဲ ။ ရှောက်မတွေးနဲ့ အာမခံကိုပြောနေတာ။ သူများနိုင်ငံတွေတောင် အာမခံ အမျိုးမျိုးရှိတာ ။ ရန်ကုန်မြို့က ကားရှိတဲ့သူတွေ ကိုယ့်ကားလေး ရေနှစ်မှာဆိုး ရေ၊မီး အာမခံ ၊ လူနေထူထပ်တဲ့နေရာ ၊ မီးအပျက်များတဲ့နေရာတွေမှာ မီးခဏ ခဏ လောင်တတ်လို့ မီးအာမခံ ၊ ရေလျှံတတ်တဲ့နေရာတွေမှာ မြွေအာမခံ ၊ရေအာမခံ ၊ရေလျှံပြီး အသက်သေမှာဆိုးရင် အသက်အာမခံ လုပ်ထား ဖို့လိုတယ် ။
ကိုဂျက် လျှောက်ပြီးတွေးနေလိုက်တာ ၊ တယောက်ထဲ ပြုံးလိုက် ရယ်လိုက်နဲ့ဆိုတော.စာရေးမက ကားနံပ္ပါတ်ကို ခေါ်တော့မှ ကိုဂျက်တွေးနေတာလေးတွေပျောက်ကုန်တော့တယ်။ ပေးစရာရှိပေးပြီး ယူစရာရှိတာယူပြီး ကိုဂျက်လည်း ရုံးပေါ်ကဆင်းလာတော့ ၁၁ နာရီ ။ အပြင်ကို ရောက်ရောက်ချင်း မိုးရနံ့ နဲ့ လေပြေအေးလေးတိုက်ခတ်လိုက်တော့မှဘဲ ခုဏကအတွေးတွေ အကုန်ပျောက်ပြီး လန်းဆန်းလာ ပါတော့ တယ်။