ကလေးတွေဆိုတာ အပေါက်တွေ့ရင် တခုခုတော့ အမြဲထည့်တတ်တယ်။ ထည်စရာ အပေါက် မတွေ့ရင်လည်း ကိုယ့်ဟာကိုဘဲ တခု မဟုတ် တခု တော့ ထည့်ကြရော ။ ဟုတ်မဟုတ် သိချင်ရင် ကိုယ့်ကလေးဘ၀ ကို ပြန်စဉ်းစား ကြည့်ကြပေါ့ ။ နောက်ပြီး သူတို့က ထည့်ပြီး ဘယ်တော့ မှ ပြန်မထုတ်တတ်ကြဘူး ။ အဲ ဘယ်လို ထုတ်ရမလဲဆို မိဘတွေလည်း မသိရင် ဆရာဝန်ဆီ ပြေးကြရော ။ အခန့်မသင့်ရင် ကလေးတွေရဲ့ အသက် ကို ပါ ထိခိုက်သွားပါတယ်။
ကိုဂျက်တို့ မလယ်မှာနေတုန်းကရော နောက် အညိုရောင် နယ်မြေမှာ နေစဉ်ကရော ဒီလို case တွေ တွေ့ဘူးတယ် ။ ကိုဂျက် လည်း အဲ့ဒီတုန်းက ကလေးဆိုတော့ ဆော့ရင်းနဲ့ ထည့် ဖူးတာဘဲ။
မလယ်က ဧရာဝတီမြစ်ကမ်းဘေးဆိုတော့ ရွှေကျင်လို့ ရသလို အလှကျောက်တွေ ကလည်း မရှားဘူး ။ အလှကျောက်တွေက ကလေးတွေ အတွက် ဆော့စရာဘဲ ။ နောက်ပြီး ရွာမှာက ကလေးအကြီးဆုံးက အငယ်လေးတွေကို ထိန်းရတော့ ကလေး က ကလေးပြန်ထိန်း သလိုဖြစ်နေတယ် ။ အကြီးက ၄ နှစ်ဆိုရင် အငယ်က ၁ နှစ် ပေါ့။ အကြီးကလည်း ကလည်း ကလေးဆိုတော့ သူငယ်ချင်းတွေနဲ့ဆော့ချင်တယ်လေ ။ ဒီတော့ အငယ်လေးကို မြေကြီးပေါ် ဒီအတိုင်းချထားတတ်ကြတယ် ၊ မငိုရင်ပြီးရော သူ့ဘာသူဘာလုတ်လုတ် ။ ကလေးငယ်ဆိုပြီး အင်းကျီပါမယ် မထင်နဲ့ ။ နှပ်ချီးတွဲလောင်း ဂျီးအထပ်ထပ် မိမွေး ဖမွေး အတိုင်း မြေကြီးပေါ်မှာ မှောက်ရက်ကလေး ။
အကြီးက သူ့သူငယ်ချင်းတွေနဲ့ ဇယ်ကောက်တမ်းဆော့ ၊ ရလာတာ ဘေးမှာချ ၊ ကလေးပေါက်စက တွေ့တာအကုန် သူ့ပါးစပ်ပေါက်ထဲထည့် ။ သူ့ထက်နည်နည်းကြီးတဲ့ ကလေးကြတော့ နှာခေါင်းထဲ သြဇာစေ့ ထည်ပြီး ပြန့်မှုတ်ထုတ်တမ်း ကစား။
အဲ့ဒါနဲ့ သြဇာစေ့ကနှာခေါင်းထည်း ရောက်ပြီး ပြန်မထွက်တော့ဘူး ။ မှုတ်ထုတ်လို့လည်း မရတော့ အရပ်ကူပါလူ ၀ိုင်းပါပေါ့ ။ ကလေးကိုထိန်းတဲ့ သူကိုလည်းရိုက်ထားလိုက်ကြတာ အရပ်ကဆွဲမှဘဲ ရပ်တော့တယ် ။ သြဇာစေ့ ထုတ်ဖို့တော့ ဘယ်သူမှ ခေါင်းထည်း မထည့်ထားကြဘုး ။ သူဟာသူထွက်ဖို့ အတွက် ရေမန်း ၊ ဆီမန်း ၊ လုပ် ရတရာချေ ၊ သြဇာစေ့ ကမထွက် ။အားလုံးကလည်း ချွေးပြန်နေပြီ ၊ ဆရာဝန်ဆီပြေးဖို့တော့ ဘယ်သူမှ စိတ်မကူးဘူး ။ နောက်တော့ ကလေးမျက်ဖြူဆိုက်မှ ဘဲ ဆရာဝန်ဆီပြေးတော့တယ် ။ ဆရာဝန်ဆီရောက်တော့ ကလေးကမျှော့နေပြီ ။ ဆရာဝန်က ကလေးကို ညိမ်အောင်ချုတ်ခိုင်း ၊ခေါင်းမော့ထားခိုင်း ပြီးမှ ဇာဂနာအရှည် နဲ့ အသာဆွဲထုတ်မှဘဲ သြဇာစေ့ ကထွက်လာတော့တယ်။ အဲ့ဒီကလေးလည်း နှာခေါင်းနည်းနည်းပွ သွားတယ် ။
ပုံပြင်တခုလည်း ရှိသေးတယ် ။ ဒီကလေး ကလည်း သြဇာစေ့ကို နှာခေါင်းထဲထည့် လိုက်တာ ဆရာဝန်က ခက်ရခက်ဆစ်ပြန်ထုတ်ပေးလိုက်ပြိး “ကလေး ဘယ်လိုများ နှာခေါင်း ထဲထည့်လိုက်တာလည်း “ လို့မေးရော ။ အဲဒါနဲ့ ချာတိတ် က “သားကဒီလိုဘဲ ထည်လိုက်” တာဆိုပြီး နှာခေါင်းထဲပြန်ထည့် လိုက်တယ်တဲ့ ။
ကိုဂျက်ကြတော့ တမျိုး ။ အိမ်ပေါ်တက်တဲ့ လှေခါးကြားကို ခေါင်းဆောင်းပြီးထည့် လိုက်တာပြန်ထုတ်မရတော့ဘူး ။ လူကြီးတွေလာ ထုတ်ပေးမှဘဲ ရတော့တယ် ။
နောက်တခါကြတော့ ပါးစပ်ထဲ မီးခဲထည့်တာ ၊ အဲ့ဒါ ကိုယ့်ဟာကို ထည့်တာမဟုတ်ဘူး ။ ကိုဂျက်တို့ ရွာမှာက ကလေးပိစိလေးကစပြီး လူကြီးအထိ မအေ ၊ နှမ ကိုင်ဆဲတတ်ကြတယ် ။ ဒီလိုဆဲလို့လည်း ဘယ်သူမှ နာရကောင်းမှန်းမသိဘူး ။ ခလုပ်တိုက်လည်ဆဲ ၊ဘုရားရှိခိုးရင်း ရောင်ရင်လည်းဆဲ ၊ တရွာလုံးမဆဲတတ်သူမရှိဘူး ။ ကိုဂျက်တို့ အိမ်ရှေ့မှာ အရက်သမားလင်မယားရှိတယ် ၊ သူတို့ ကညနေတိုင်း အရက်မူးပြီးရန်ဖြစ် ၊ မိုးမွန်အောင်ဆဲ ။ ကြာတော့လည်း ကိုဂျက်က သူတို့ဆဲတာအလွတ်ရလာတယ် ။ ပေါင်းတဲ့ သူငယ်ချင်တွေက လည်း အကုန်ဆဲတတ်ကြယ် ။ ကို ကလည်း ဒါတွေကို ဆဲတယ်လို့မထင် ။ သူပြောလို့ ကိုယ်ပြောတာလို့ဘံထင်နေတာ။
အဲ့လို ဆဲနည်းပေါင်းစုံကို ၄ - ၅ နှစ်သား မှာ ကိုဂျက် အာဂုံဆောင်နိုင်ခဲ့တယ် ။ နောက်တော့ ဖခမည်းတော် ရွှေနားတော်ပေါက်ကြးသွားတော့ ၊ ကြိမ်မကူဘဲ မီးဖိုဆောင်ကို တရွတ်တိုက်ဆွဲခေါ်သွားတယ် ၊၊ အဆောင်တခါးကိုပိတ် ။ ကိုဂျက်ကို ပေါင်ကြားမှာညှပ်ပြီး ဆဲအုန်း ဒီပါးစပ်ဆိုပြီး ရဲရဲနီနေနဲ့ မီးသွေးခဲကို မီးညှပ်နဲ့ ယူပြီး ပါးစပ် နားတေ့ထားတယ် ။ ဘာပြောကောင်းမှာလည်း ကိုဂျက်တို့ က ဆဲတာအကျင့်ပါနေတော့ ငိုရင်းဆဲရင်းပေါ့ ။ အဲ့ဒါနဲ့ အဖေကဒေါသပိုထွက် ပိုရိုက် ပိုလုပ် ၊ သားအဖနှစ်ယောက်ထည်း ငရဲခန်း ရောက်နေသလိုဘဲ ။ နောက်တော့ ကိုဂျက်လည် ငိုလွန်းလို့မောပြီး စကားမပြောနိုင်တော့မှ မီးဖိုဆောင်မှာ တယောက်တည်း သော့ခတ်ပြီးထားခဲ့တယ်။
အဲ့ဒါပြီးတော့ နောက်ပိုင်လည်း ကိုဂျက်လည်း မဆဲရဲတော့ပါဘူး။
ဒါကြောင့်ပြောတာ ကလေးတွေက အပေါက်တွေ့ရင် တခုခု ထိုးထည့်ချင်ကြတယ်။ ကြမ်းပေါက်တွေ့လည်း ခြေထောက်လေးထိုးထည့်လိုက်ရမှ ။ အပေါက်တွေ့လည်း ကြည့်လိုက်ရမှ ၊ လက်ထဲ ထီးကိုင်ထားလည်း ပါးစပ်ထဲ ထိုးထည့်လိုက်ရမှ ၊ နှခေါင်းထည်းလည်း လက်နှိုက်လိုက်ရမှ ကလေးတိုင်းကြေနပ်ကြတယ်။ ဒီလိုမှ မလုပ်ရင် ကလေး မပီသတော့ သလိုဘဲ…
1 comment:
So funny!!! .. well said.
Post a Comment