မလယ်ရွာ

မလယ်ရွာ ...နာမည်လေးက စိတ်ဝင်စားစရာကောင်းသလို ၊ သူ့ရာဇ၀င်ကလည်းမသေး။ စစ်ကိုင်းတိုင်း ၊ ကန့်ဘလူ မြို့နယ်မှာ မလယ်ဆိုတဲ့ရွာတရွာရှိပါတယ်။ဇီးကုန်းမြို့ကို ရွာကနေ လှည်းနဲ့သွားလို့ရသလို ၊ သပိတ်ကျင်းကနေ မော်တော်နဲ့သွားလို့ရပါတယ်။သြော် ... ဒီရွာကလေးက ဧရာဝတီမြစ်အနောက်ဘက် ကမ်းမှာပါ။ မန္တလေးကနေဆိုရင် သပိတ်ကျင်းကိုသွား၊အဲ့ဒီကနေ မော်တော်နဲ့ကူးလာရင်ရောက်ပြီ။သူ့ရာဇ၀င်လား………..... ဒီရွာကလေးက ရာဇ၀င်မင်းသား ပျူစောထီး မွေးရပ်လေ။ ဟိုး ဘုရင်ခောတ်က ဒီနေရာလေးက ဘယ်လိုရှိမယ်မသိပေမဲ့ ကျွန်တော်တို့စရောက်ခဲ့ တဲ့ ၁၉၈၄ ထိ ရှေးအယူဝါဒတွေနဲ့ထုံမွှန် နေပါတယ်။ အိမ်ထောင်ဦးစီးလည်းဖြစ်၊ ကျေးရွာဆရာဝန်ကြီး လည်းဖြစ်တဲ့ အဖေရင်ထဲမှာ အဲ့ဒီအချိန်က ဘာတွေခံစားနေရ သလဲဆိုတာ မသိရပေမဲ့ မ်ိန်းမသားဖြစ်တဲ့ အမေကတော့ မျက်ရည်တွေနဲ့ ။ မိဝေး ၊ ဘဝေး ယောက်ျားကို အားကိုးပြီး လိုက်လာခဲ့တဲ့ ဆရာဝန်မလေး အမေ့ရင်ထဲမှာ သားသမီးတွေရဲ့ နောင်ရေး ၊မိသားစုရဲ့ရှေ့ရေး၊ စတာတွေးရင်း မျက်ရည်တွေကို အဖော်ပြုနေလေရဲ့။ ကျွန်တော်တို့ မောင်နှမသုံယောက် ကတော့ နယ်မြေအသစ်ဆိုတော့ ပျော်နေ တယ်။တောင်ပေါ်မှာ နေတုန်းက ကားစီးခဲ့ရပေမဲ့ ဧရာဝတီမြစ်ကိုဖြတ်တဲ့အခါ မော်တော်ကို ပထမဆုံးစီးရတော့ ပျော်တာပေါ့။ ရွာကိုရောက်တော့ ရွာကလူကြီးတွေရယ်၊ ကာလသားတချို့ရယ်၊ စပ်စုတတ်တဲ့ မိန်းမ တချို့ ရယ် ၊ အရွယ်စုံကလေးဘုစုခရုတွေရယ် ၊ ပေါင်းလိုက်ရင် ရွာတ၀က်လောက် လာကြိုကြ တယ်။သူတို့ကျေးရွာရဲ့ ပထမဆုံးသော ဆရာဝန်ကြီးဆိုတာဘယ်လိုပုံစံ နဲ့ဆိုတာတွေ့လိုက် တဲ့ အချိန်မှာ အံ့အားသင့်တဲ့ အသံတသံကြားလိုက်ရတယ်။ ဆရာဝန်ကြီးသာဆို တယ်ငယ်ငယ်လေးပဲတဲ့။ ဟိုစပ်စုတတ်တဲ့ မိန်းမအုပ်စုထဲကပဲပေါ့။ကျွန်တော်တို့ကို ပေးထား တဲ့အိမ်က ၂ထပ်တိုက် ၊ မြစ်ဆိပ်နဲ့နီးတယ်။ မြစ်ဆိပ်ကနေ လှေကားအတိုင်းတက်လာရင် အိမ်ကိုရောက်ပြီ၊ကျွန်တော်တို့ရွာကိုရောက်ပြီး ၁ လလောက်အထိ ကိုယ်တိုင်ချက်စားစရာ မလိုဘူး။ဟိုအိမ်ကဖိတ်ကျွေးလိုက် ၊ ဒီအိမ်ကဖိတ် ကျွေးလိုက်နဲ့။အဖေကတော့ ဆေးရုံအသစ် ဖွင့်ဖို့အတွက် လုံးပန်းနေတယ်။အိမ်က ရွာတောင်ပိုင်းမှာ ဆေးရုံက ရွာအပြင်အနောက် ပိုင်းမှာ။တော်တော်ဝေးတယ်။ရဲစခန်းက ရွာလမ်းမကြီးအဆုံးရွာ ရှေ့ပိုင်းမှာ။သူ့ညာဘက်မှာ ဘုန်းကြီးကျောင်းတကျောင်းရှိတယ်။ဘုန်းကြီးကျောင်းရဲ့ရှေ့ ရဲစခန်းရဲ့ ဘယ်ဘက် မှာ ကွင်းပြင်ကြီးခြားပြီး စေတီပျက်ကြီး ရှိတယ်။စေတီပျက်ကြီးက သူ့ခောတ်သူ့ခါက ထွန်းတောက်ခဲ့ပေမဲ့ ဒီအချိ်န်မှာမှေးမှိန်နေပါပြီ ။နောက်ပြီးလျှို့ဝက်ချက်တွေ၊ အံ့အားသင့်စရာ တွေအများကြီးဘဲ။ ဧရာဝတီမြစ်ကိုမျက်နှာမူထားတဲ့ စေတီပျက်ကြီးရဲ့ ဟာမြစ်ကမ်း နဖူးပေါ်မှာပါ မေးတင်ထားတယ်။မြစ်ထဲက လှမ်းကြည့် လိုက်ရင် တောင်ထိပ်မှာတည်ထားတဲ့ ဘုရားစေတီလိုဘဲ။ စေတီခြေရင်းမှာ လှိုင်ဂူ ၁ ခုရှိပြီး ဧရာဝတီမြစ်ရေ အမြဲဝင်နေပါတယ်။ လှိုင်ဂူရှေ့မှာတော့ လူစားတဲ့ကတော့ပုံ စုပ်ဝဲတခုရှိတယ်။ဒီစေတီနဲ့ မနီးမဝေးနေရာမှာ နန်းတော်ရာပုံစံအုတ်မြစ်တွေရှိတယ်။(နောက်မှဘဲဆက်ပြောတော့မယ် ရိုက်ရတာညောင်း လာလို. ရွာပုံစံလေး ကို မှတ်ထားနော်..)