မီးဗျို့….မီး .. မီး .. …။ ဆရာမရေ ကျွန်တော်တို့ ရေသယ်မယ်နော် ဆရာမ ။ လူတွေအိပ်ကောင်းတုန်း မနက် ၂နာရီ ခွဲ ၃ နာရီလောက်တွင် ကမ္ဘာပျက်မတတ် အသံဆိုးကြီး နှင့်အတူ အမေ့ကို ခွင့်တောင်းသံပါကြားလိုက်ရသည်။
အမေက ကျွန်တော်တို့ ကလေးသုံးယောက်ကို လက်ဆွဲပြီး အိမ်ပေါ်မှပြေးဆင်းကာ အိမ်ရှေ့ကွင်းပြင်မှာထားခဲ့သည်။အမေနှင့်အတူ အမေ့မွေးစားသမီးတို့က အိမ်ပေါ်အိမ် အောက်မှ ပစ္စည်းများကို ကွင်းပြင်ထဲဆွဲထုတ်ကြသည်။ တလမ်းကျော် အိမ်မှ မီးလောင်နေခြင်းဖြစ်သည်။ကျွန်တော်က ၃နှစ်သား ၊ မီးလောင်တာ တခါမှ မတွေ့ဘူးလို့ ငေးကြည့်နေမိသည်။အငယ်မလေးကတော့ ငိုနေလေရဲ့။
ရွာသားများက အိမ်ရှိ ရေကန်မှ ရေများကို ၁ဗုံးပြီး၁ဗုံးခတ်ရင်း မီးငြိမ်းနေသလို လှေပိုင်၊ မော်တော် အပိုင်ရှိသူများက တဘက်ကမ်းကို ပြေးဖို့ ရေဆိပ်ကို ဆင်းနေကြ သည်။တရွာလုံး ရှုတ်ရှက်ခတ်နေသည်။ ဒီဘက်ကမ်းက မီးထိန်ထိန် လင်းနေတော့ ဟိုတဘက်ကမ်းကလူတွေလည်း ဒီဘက်ကမ်းကို ကူးလာကြသည်။ မီးကိုလူနိုင်တော့ မိနစ် ၂၀ ကြာတော့ ငြိမ်းသွားသည်။
အိမ်ရှေ့ကွင်းပြင်မှာလည်း သေတ္တာတွေ ၊ အိပ်ရာလိပ်တွေ စုပုံနေသည်။ အမေက ဇောနဲ့ ဆွဲချလာတော့ ပစ္စည်းတွေပြန်မထားနိုင်။မောနေသည်။ အဖေကလည်း ခရီးထွက် နေတော့ အားကိုးစရာမရှိ။ရွာကလူတွေ ကူလုပ်ပေးမှဘဲ ပြန်ရွှေ့နိုင်တော့သည်။ ဟိုဘက်ကမ်းကလူတွေလည်း ဒီရောက်ပြီးမှ မီးငြိမ်းသွားတော့ အားမလိုအားမရ ဖြစ်ကာပြန်သွားကြသည်။
ဒီလိုနဲ့မိုးလင်းတော့ သတင်းစုံကြားရသည်။ ပဲပြုပ်သည်အိမ်မှ ပဲပြုပ်ရင်း မီးလောင်ခြင်းဖြစ်သည်။ အ်ိမ်ကလည်း ၀ါးထရံကာဆိုတော့ လောင်အားကောင်းသည်။ လူညီတော့ မီးကတအိမ်ပဲလောင်သည်။ အဲဘယ်လောက်ညီသလဲဆိုရင် အဲ့ဒီအိမ်ကို တရက်ထဲနဲ့ ပြန်ဆောက်ပေးကြသည်။ဝါးခုတ်သူက လှည်းနဲ့ ၀ါးသွားတိုက်၊ သက်ငယ်ရက်သူကရက် ၊ အိမ်တိုင်ထောင်သူကထောင် ၊ ထမင်းဟင်းပို့သူကပို့နှင့် ပျော်စရာကောင်းသည်။
အိမ်မှာက ခေါင်းခဲစရာ တခုရှိနေသည်။ သစ်သားတီဗီကြီး ဘယ်နားထားမိမှန်း မသိဖြစ်နေသည်။ ရွာသားတွေက လှည်း၃ စီးနဲ့ရေတိုက်ပြီး အိမ်ကကန်ထဲ လာထည့်ပေးတော့မှဘဲ သစ်သားတီဗီ ကိုပြန်တွေ့တော့တယ်။ တော်တော်လေးသောတီဗီကို အမေတယောက်ထဲဘယ်လို မသွားသည်မသိ၊ သူလည်းပြန်မသယ်နိုင်။
ရွာရောက်ပြီး ၂လအကြာ ပထမဆုံးကြုံရသောအတွေ့အကြုံဖြစ်သည်။ ဒ်ီရွာလေးမှာ ၁၉၈၄ မှ ၁၉၈၈ အထိ အတွေ့အကြုံများကို မှတ်မိသမျှ ရေးသွားပါအုံးမည်။
No comments:
Post a Comment