မြန်မာနိုင်ငံမှာ ကလေးအလုပ်သမား လုံးဝ… လုံးဝ မရှိပါ ။ အငြင်းမစောနဲ့နော်.. ကျွန်တော် တွေးမိတာကိုပြောမယ်…. မြန်မာနိုင်ငံမှာ ကလေးအလုပ်သမားရှိတယ်ဆိုပြီး လွန်ခဲ့တဲ့၎..၅ နှစ် ကစပြီး ကြားကြားနေရတယ် …ဒါနဲံ့ ကိုဂျက်လည်း ဟုတ်မဟုတ် သိရအောင်ဆိုပြီး လက်လှမ်း မှီသလောက် လဘက်ရည်ဆိုင် ၊ ဂ၀ံကျောက်ကို ထုခွဲပြီး လမ်းပြင်နေတဲ့ကလေး ၊ တောင်းစား နေတဲ့ကလေး စတဲ့ ကလေးပေါင်းစုံကို လေ့လာကြည့်မိတယ် ။ အစတော့ ကလေးအလုပ် သမားဆိုတာဟုတ်သလိုလိုဘဲ ။ သေချာတွေးကြည့်တော့ အပိုင်း ၂ ပိုင်း တွေ့ရတယ် ။ သေချာတာကတော့ အဲ့ဒါ ကလေးအလုပ်သမား မဟုတ်ဘူးဆိုတာဘဲ ။ ကိုဂျက်က ဘယ်သူ့ဘက်မှမပါဘူးနော် ။ ကလေးတွေဆိုတာက ကိုယ့်မိဘကို ကူညီချင်ကြတယ် ။ သူတို့ကျောက်ခဲ တလုံးသယ်နိုင်ရင် ကူသယ်ပေးချင်တယ်လေ ။ အဲ သူ့မိဘတွေကလည်း ပညာကလည်းမတတ် ၊ ဦးပုည စကားနဲ့ပြောရရင် ဖွတ်တောင် အကို လို့ ခေါ်ရလောက် အောင်မွဲ ၊ တို့လို့ တွဲလောင်း ကလေးတွေက ဘောတသင်းစာ ။ ဒီလို အချိန်မျိုးမှာ ၅နှစ် ၊ ၁၀နှစ်အရွယ် သားသမီးတွေက မိဘတွေကို ကူညီရင် ဘယ်မိဘ ငြင်းရက်မှာလည်း ။ အော် ငါ့ သား သမီးတွေက လိမ်မာလိုက်တာ ၊ ကြည့်စမ်း ဟိုလူကြီးသား သမီးတွေ ဇိမ်ခံကားကြီးနဲ့ အင်္ဂလိပ်ကျောင်း တက်နေတဲ့အချိန်မှာ ငါ့သား သမီးတွေက ထမင်းကြမ်းခဲကြီးစားပြီး နေပူထဲမှာ ချွေးဒီးဒီးကျနေတာနေတာတောင် အပြုံးမပျက် မိဘကို ကူညီနေလိုက်ကြတာ ။ တော်လိုက်တဲ့ သားသမီး တွေလို့ နှုတ်ကပြောပြီး ရင်ထဲမှာ သောကမီးတွေတောက် လောင်နေတဲ့ မိဘတွေကို မြင်ရောင်လိုက်စမ်းပါ ။ သားသမီးတယောက် အလုပ်လုပ်ရင် မိဘတွေလည်း အသက်ရှုချောင်တယ်လေ ။ ကျောင်းမတက်နိုင်ဘဲ လေနေမဲ့အစား မိဘကိုကူလုပ်နေတဲ့ ကလေးတွေကို ကလေးအလုပ်သမားလို့ခေါ်ရင် သူ့မိဘတွေ ရင်နာလိမ့်မယ် ။ ဘာမှမတတ်နိုင်တော့တဲ့ ဘ၀မှာ ဖြစ်သလို ဘ၀ကို ရဲရဲ ရင်ဆိုင်ရဲတဲ့ သူတို့တွေနေရာမှာ ကျွန်တော်တို့ရော အဲ့ဒီလိုခေါ်ခံရ ၊ ရင်ဆိုင်ရဲတဲ့သတ္တိရောရှိပါ့မလား……….
( အပိုင်း ၂ မှာ ဆက်လက် ငြင်းခုံပါမည် )
1 comment:
ကိုဂျက် ရဲ့ အရေးအသားလေးတွေ မိတယ်ဗျာ
Post a Comment